Elimizdiń kólik saqshylary Semeı qalasynda reseılik áriptesterimen kezdesti
ASTANA. QazAqparat - QR ІІM Kóliktegi ІІD Semeı, Pavlodar, Zaşıta stantsııalaryndaǵy ishki ister jelilik bólimderiniń basshylary men Reseı Federatsııasy ІІM Altaı jelilik basqarmasy ókilderiniń eki jaqty jumys kezdesýi bolyp ótti, dep habarlaıdy Kóliktegi ishki ister departamentiniń baspasóz qyzmeti.
Sharaǵa Reseı Federatsııasy ІІM Altaı JB bastyǵy polıtsııa polkovnıgi A.V. Kırpıchenko, Semeı stantsııasy, jelilik ishki ister basqarmasynyń bastyǵy polıtsııa polkovnıgi B.S. Battalov, Pavlodar stantsııasy jelilik ishki ister basqarmasynyń bastyǵy polıtsııa polkovnıgi Ǵ.J. Omarbekov, Zaşıta st. Jelilik ishki ister basqarmasynyń bastyǵy polıtsııa polkovnıgi A.A. Toıshybaev, sondaı-aq jedel qyzmetterdiń basshylary qatysty.
Aıtýly basqosýdy ashqan Erik Battalov eki jaqty jumys kezdesýlerin ótkizýdiń, temirjol jáne áýe kóligi nysandaryndaǵy qylmysqa qarsy is-qımyl boıynsha jedel-izdestirý jáne profılaktıkalyq is-sharalardyń birlesken keshendi josparlaryn ázirleýdiń, qyzmet kórsetiletin kólik nysandarynda jedel jaǵdaıdyń jaı-kúıi týraly udaıy aqparat almasýdy júzege asyrýdyń mańyzdylyǵyn atap ótti.
Kezdesý barysynda TMD elderiniń kóliktegi ishki ister organdarymen shekaralyq áriptestikti odan ári nyǵaıtý aıasynda keleli úsh másele, atap aıtqanda, temirjoldaǵy jyljymaly quramnan júkterdi urlaýǵa qatysty qylmystardy ashý jáne onyń jolyn kesý, esirtki zattarynyń zańsyz aınalymyna qatysty qylmystardyń aldyn alý, sondaı-aq zańsyz kóshi-qondy boldyrmaý máseleleri keńinen talqylandy.
Búgingi kúni Qazaqstan men Reseı arasynda ondaǵan jolaýshylar poıyzdary qatynaıdy. Osyǵan baılanysty áýe jáne temirjol kóligi nysandaryndaǵy jolaýshy azamattardyń qaýipsizdigin qamtamasyz etý boıynsha eki jaqty áriptestiktiń alǵysharttaryn damytýdyń mańyzdy zor.
2016 jyly Reseı Federatsııasy aýmaǵynda Kóliktegi ІІD 5 jelilik bólinisiniń (Petropavl, Semeı, Pavlodar, Zaşıta, Atyraý st.st. ІІJb) qyzmetkerleri qatysqan úsh jumys kezdesýi ótti. Aǵymdaǵy jyly Oral st. ІІJb bazasynda RF ІІM Prıvolje JB men Ershov stantsııasyndaǵy jelilik polıtsııa bóliminiń qyzmetkerlerimen jumys kezdesýi uıymdastyryldy.
Óz sózinde RF ІІM Altaı JB bastyǵy Artem Kırpıchenko: «Sońǵy jyldary Reseı men Qazaqstan kólik polıtseıleriniń qylmystardy anyqtaý men ashý, halyqaralyq qylmyspen kúres boıynsha ózara qatynastary jandanyp keledi», - dep atap ótti.
