Elimizdiń kólik polıtsııasynda 210 áıel qyzmet atqarýda
ASTANA. QazAqparat - Kóliktegi ishki ister departamentiniń ár túrli qurylymdarynda 210 áıel qyzmet ótkerýdeBul týraly búgin QR ІІM Kóliktegi ishki ister departamentinde 8 naýryz - Halyqaralyq áıelder merekesine oraı ótken saltanatty shara barysynda departament basshysy Berik Bısenqulov aıtty, dep habarlaıdy Kóliktegi ІІD baspasóz qyzmeti.
«Sizder, árdaıym, úıde otbasynyń altyn qazyǵy, erlerdiń senimdi tiregi, al qyzmette jarqyn da ıgi isterdiń bastamashysy bola bildińizder. Qaı qyzmette bolsyn ortalaryńyzdy shýaqqa bólep, ózderińizge júktelgen kásibı mindetterdi zor jaýapkershilikpen atqaryp kelesizder. Boılaryńyzdaǵy áıelge tán sulýlyq, aqyl men parasattylyq qasıetter ózderińizge degen qurmet sezimin arttyrady», - dedi elimizdiń Bas kólik saqshysy merekelik sharada.
Aıta ketý kerek, búginde polıtseı áıelder qoǵamdyq qaýipsizdikti saqtaý men qylmystyń aldyn alýda er azamattarmen ıyq tirese eńbek etip júr. Máselen, departamenttiń ár túrli qurylymdarynda 210 áıel qyzmet ótkerýde. Olardyń qatarynda 4 polkovnık 20 podpolkovnık bar.
Tól merekeleri qarsańynda QR Іshki ister mınıstriniń buıryǵymen ózderiniń qyzmettik mindetterin adal atqarǵan 7 polıtseı-áıel, sondaı-aq, qyzmette joǵary nátıje kórsetken 69 qyz-kelinshek departamenttiń gramotalary jáne alǵys hattarymen marapattaldy.
