Elimizdiń kez kelgen azamaty Joldaýdan jańalyq pen jaqsy ózgeris kútedi – depýtat
«Prezıdenttiń Qazaqstan Halqyna Joldaýyn qyrkúıek aıynda jarııalaýy qoǵamda ıgi dástúrge aınaldy. Osy kezeń elimizdegi serpilisti kezeńi ekeni de jasyryn emes. Elimizdiń kez kelgen azamaty Joldaýda memleketke, ózine, jaqyndaryna qatysty bir jańalyq, jaqsy ózgeris kútedi. Bıyl da kópshiliktiń kókeıinde júrgen kóp dúnıe Prezıdent tarapynan qoldaý taýyp, jaryqqa shyqty», - deıdi depýtat agenttik tilshisine bergen suhbatynda.
Depýtat prezıdenttik reforma jalǵasyn tabatynyn, qordalanǵan máseleler nazardan tys qalmaıtynyn aıtty. Saıası júıeni demokratızatsııalaý protsesi úzdiksiz júrgiziledi. ıAǵnı, búkilhalyqtyq referendým, ákimder saılaýy osy baǵyttaǵy jumysty kórsetip otyr. Aldaǵy ýaqytta da el úshin ózekti máseleler boıynsha referendýmdar ótkizý usynylyp otyr.
«Joldaýdaǵy mańyzdy baǵyt – ekonomıkadaǵy naryqtyq básekeni qalyptastyrý. Qazaqstannyń bul úshin barlyq múmkindigi bar. Jerasty baılyǵyn tıimdi paıdalaný máselesi asa ózekti. Prezıdent bul salaǵa sheteldik ınvestıtsııa tartý qajettigin aıtty. Bul saladaǵy mamandar máselesine de erekshe kóńil bólý kerek dep oılaımyn. Elimizge myqty geologtar kerek», - dedi Á. Rahmetova.
Depýtat aýyl sharýashylyǵy sektorynda da úlken serpilis bolady dep esepteıdi. Elimizdiń ózin ǵana emes, ózge elderdi de azyq-túlikpen qamtamasyz etetin áleýeti bar. Endigi mindet – memleket tarapynan jasalatyn qoldaýdyń tıimdiligin arttyra otyra, ónimdilikti kóterý bolyp otyr.
«Áli tolyq meńgere almaı, aıtarlyqtaı nátıje kóre almaı jatqan salalarymyz – zamanaýı energetıka, jasyl ekonomıka, tsıfrlandyrý, jasandy ıntellekt, jańashyl óńdeý óndirisin damytý baǵyttarynda jańa serpilis kerek. Prezıdent bul baǵyttarǵa erekshe kóńil bólip otyr. Tehnologııa damymaı alǵa basý múmkin emes, kreatıvti ındýstrııany damytý – zaman talaby. Talap memleketke, atqarýshy organdarǵa ǵana emes, adamnyń jeke basyna da artýy kerek. Elimizdiń halqy jas. Qyzyl sózden, qur áńgimeden góri naqty iske kirisip, bolashaǵyn oılaıtyn jastardyń zamany», - dep pikir bildirdi Senat depýtaty.
