Elimizdiń keıbir aımaqtarynda 23 maýsym kúni ótkinshi jańbyr jaýady
ASTANA. QazAqparat - 23 maýsym kúni Qazaqstannyń basym bóliginde aýa raıy turaqsyz bolyp, ótkinshi jańbyr jaýady, jel kúsheıedi. Tek ońtústik óńirde ǵana jaýyn-shashynsyz aýa raıy kútilýde, dep habarlaıdy QR TJM baspasóz qyzmeti Qazgıdrometke silteme jasap.
Aqmola, Pavlodar, Shyǵys Qazaqstan, túnde Qaraǵandy, kúndiz Almaty, Batys Qazaqstan, Aqtóbe oblystarynda jel 15-20 m/s-qa deıin kúsheıip, naızaǵaı oınaıdy.
Mańǵystaý oblysynda shańdy daýyl turady. Qostanaı oblysynyń keı jerlerinde tuman túsýi múmkin. Kúndiz Almaty, Jambyl, Ońtústik Qazaqstan, Mańǵystaý, Soltústik Qazaqstan, Qaraǵandy oblystarynyń birqatar jerlerinde qatty ystyq bolady. Qostanaı oblysynda da kún qatty ystyq bolady dep kútilýde.
