Elimizdiń keı jerlerinde 0-2 gradýsqa deıin qatqaq bolady
ASTANA. QazAqparat - Sársenbi kúni, 17 qyrkúıekte Qazaqstannyń basym bóliginde atmosferalyq aǵyndardyń ótýimen aýa raıynyń turaqsyz bolýy kútiledi, keı jerlerde jańbyr jaýady, jel kúsheıedi, eldiń batysynda, ońtústiginde jáne shyǵysynda ǵana kún ashyq bolady, dep habarlady Tótenshe jaǵdaılar komıteti «Qazgıdromet» RMK-ǵa silteme jasap.
Atyraý oblysynda keı jerlerde shańdy daýyl aralas jeldiń kúshi 15-20 m/s-qa jetedi. Qaraǵandy oblysynda kúndiz keı jerlerde jeldń kúshi 15-20 m/s, uıytqýy 25 m/s-qa jetedi, túnde jáne tańerteń tuman túsedi. Soltústik Qazaqstan, kúndiz Shyǵys Qazaqstan, Batys Qazaqstan oblystarynda keı jerlerde jeldiń ekpini 15-20 m/s-qa jetedi, túnde jáne tańerteń tuman túsedi. Aqmola, Qostanaı, kúndiz Ońtústik Qazaqstan, Mańǵystaý, Aqtóbe, Pavlodar oblystarynda keı jerlerde jel 15-22 m/s-qa deıin kúsheıedi. Soltústik Qazaqstan, Batys Qazaqstan oblystarynda keı jerlerde 0-2 gradýsqa deıin qatqaq bolady.
Respýblıkanyń ońtústiginde, ońtústik-shyǵysynda, batysynyń keı jerlerinde, ońtústik-batysynda, soltústik-batysynda, shyǵysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde ońtústik, ońtústik-shyǵys pen shyǵys aımaqtardaǵy taý ózenderinde gıdrologııalyq rejımde eleýli ózgerister bolmaıdy.
