Elimizdiń keı aımaqtarynda naızaǵaı oınap, burshaq jaýady - Qazgıdromet
ASTANA. QazAqparat - 25 mamyr kúni Qazaqstan aýmaǵynyń basym bóliginde atmosferalyq frontaldy aýa bólikteriniń ótýine baılanysty jańbyr jaýyp, ońtústik-shyǵysynyń keı jerlerinde nóser bolady, keı jerlerde naızaǵaı oınap, burshaq jaýady, ekpindi jel saqtalady. Tek respýblıkanyń batys jáne ońtústiginde aýa raıy jaýyn-shashynsyz bolady, dep habarlaıdy «Qazgıdromet» RMK.
Aqmola, Qaraǵandy, Shyǵys Qazaqstan oblystarynyń keı jerlerinde naızaǵaı oınap, jeldiń ekpini 15-20 m/s kúsheıedi. Pavlodar, kúndiz Mańǵystaý oblystarynyń keı jerlerinde jeldiń kúshi 15-20 m/s deıin jetedi. Almaty oblysynyń keı jerlerinde naızaǵaı burshaq, 18-23 m/s jel soǵady. Túnde Qostanaı, Soltústik Qazaqstan, tańerteń jáne kúndiz Jambyl oblystarynyń keı jerlerinde naızaǵaı kútilip, naızaǵaı kezinde jeldiń ekpini 15-20 m/s deıin kúsheıedi.
