Elimizdiń keı aımaqtarynda qar jaýady
ASTANA. QazAqparat - Aldaǵy úsh kúnde Qazaqstannyń basym bóliginde sýyq aýa raıy saqtalady, dep habarlaıdy «Qazgıdromet».
Sınoptıkterdiń boljaýynsha, soltústik, shyǵys jáne ortalyq oblystarda jańbyr jaýyp, arty qarǵa ulasýy múmkin. Aýa temperatýrasy túnde 0-5º gradýsqa deıin tómendeıdi dep kútilýde.
Sondaı-aq Qazaqstannyń ońtústigi men ońtústik shyǵysynda jańbyr jaýýy yqtımal. Taýly aýdandarda 22 mamyrda qarly jańbyr jaýyp, aýa temperatýrasy túnde +2...+10º, kúndiz +15...+25º jetedi. Al batys oblystarda jaýyn-shashynsyz, kún ystyq bolady. Aýa temperatýrasy osy mezgilge tán temperatýradan 7-11º joǵary bolady.
