Elimizdiń keleshegin aıqyndaıtyn sát týdy - Ómirzaq Shókeev

TÚRKІSTAN. QazAqparat - Túrkistan oblysynyń ákimi Ómirzaq Shókeev HQTÝ-dyń mádenıet saraıynda ornalasqan 133 saılaý ýchaskesine kelip, óz tańdaýyn jasady. Daýys berip bolǵan soń oblys ákimi jýrnalıstermen kezdesip, elimizdegi saıası protsestiń óńirimizdegi ótý barysyna qatysty oıyn bildirdi, dep habarlaıdy QazAqparat tilshisi.

«Oblysymyzdaǵy 889 saılaý ýchaskesiniń barlyǵy tıisinshe daıyndalyp, mańyzdy naýqandy joǵary deńgeıde ótkizip jatyr. Halyq jan-jaqty aqparattandyrylyp, memleketimiz úshin jaýapty sátte óz tańdaýlaryn jasaýda. Óńirimizge TMD-da, EQYU-dan jáne ózge halyqaralyq uıymdardan baqylaýshylar arnaıy kelip, saılaýdyń barysyna baqylaý júrgizýde. Elimizdiń keleshegin aıqyndaıtyn erekshe sát týdy. Barshańyzdy belsendi bolýǵa shaqyramyn», -dedi Ómirzaq Shókeev.

Qazirgi tańda rýhanı shaharda 49 saılaý ýchaskesi jańa memleket basshysyn tańdaýǵa atsalysýda.