Elimizdiń kedenshileri birinshi toqsanda esirtkilik zattardy kontrabandalaýdyń 25 faktisin anyqtady
ASTANA. 12 sáýir. QazAqparat /Aıdar Ospanalıev/ - Bıylǵy jyldyń birinshi toqsanynda Qarjy mınıstrliginiń Kedendik baqylaý komıtetiniń ókilderi 131 qylmystyq jáne 2 myń 888 ákimshilik is qozǵady.
Bul másele jóninde búgin jýrnalıstermen bolǵan brıfıngte atalmysh komıtet tóraǵasynyń orynbasary Ómirzaq Beıisbekov málim etti.
Onyń sózine qaraǵanda, kedenshiler 1 qańtar men 31 naýryz aralyǵynda eisrtkilik zattardy kontrabandalaýdyń 25 faktisiniń jolyn kesken. Olardyń 16-y ıisshil ıtterdiń kómegimen anyqtalǵan. Tárkilengen esirtki kólemi 12,696 kelini qurady. «Aıtalyq 11 qańtar kúni «Dostyq» keden beketinde jaýapkershiligi shekteýli seriktestikterdiń biriniń basshysyna qatysty qylmystyq is qozǵaldy. Ol kedennen quny 150 myń 570 AQSh dollary bolatyn 6 vagon jez alyp ótpek bolǵan. Al Jambyl oblysynyń kedenshileri «Merki» keden beketinde «Bishkek-Lýgovoe» baǵytynda jyljyp bara jatqan poıyzdaǵy Qyrǵyzstan azamatshasynan 5 keli 920 gramm geroın tapty»,-dedi komıtet tóraǵasynyń orynbasary.
