Elimizdiń keden organdary 9 aıda respýblıka bıýdjetine 487,3 mıllıard teńge túsirdi
ASTANA. Qazannyń 19-y. QazAqparat /Aıdar Ospanalıev/ - Elimizdiń keden organdary bıylǵy jyldyń 9 aıynda, ıaǵnı qańtar men qyrkúıek aılary aralyǵynda respýblıka bıýdjetine 487,3 mıllıard teńgeniń kedendik tólemderi men salyqtarynyń túsýin qamtamasyz etti.
Bul týraly búgin Kedendik baqylaý organdarynyń 9 aıda atqarǵan jumystaryna baılanysty jýrnalıstermen bolǵan brıfıngte Qarjy mınıstrliginiń Kedendik baqylaý kommıtetiniń Kedendik kirister basqarmasy bastyǵynyń orynbasary Aınagúl Ilııasova málim etti.
Onyń derekterine qaraǵanda, keden organdarynyń ókilderi aldyn ala josparlanǵan somany 110,1 paıyzǵa oryndady. Ótken jyldyń sáıkes merzimimen salystyrǵanda, bıýdjetke 60,2 mıllıard teńge artyq tústi. Sondaı-aq kedendik alymdar men salyqtardyń 1 keden qyzmetkerine shaqqandaǵy jyldyq ólshemi 113,3 mıllıon teńgeni qurady. Bul ótken jylǵy kórsetkishten 1,1 esege nemese 13,3 mıllıon teńgege kóp.
