Elimizdiń qaı óńirlerinde eski kólikter kóp

NUR-SULTAN. QazAqparat – Bıylǵy maýsym aıyndaǵy málimet boıynsha, elimizde 4 mln 350,5 myń kólik bar. Onyń 87,7 paıyzy jeńil temirtulpar bolsa, aýyr júk kólikteriniń úlesi – 10,4 paıyz. Al Qazaqstandaǵy avtobýstar – 1,9 paıyz. Mundaı derekterdi Ulttyq statıstıka bıýrosy jarııalady, dep habaraıdy QazAqparat tilshisi.

Bıýro aqparatyna sáıkes, elimizde benzınmen júretin kólikter - 87,8 paıyz. Dızelmen qozǵalatyn temir tulparlardyń úlesi - 1,9 paıyz. Al aralas otyn arqyly júretin avtokólikter 8 paıyz quraıdy.

El terrıtorııasynda tirkelgen kólikterdiń basym bóligi 20 jyldan astam qoldanystaǵy temirtulparlar. ıAǵnı, búginde qazaqstandyqtardyń 50,4 paıyzy eski kólik minedi. Eski avtokólikter kóbine Almaty, Shyǵys Qazaqstan, Qaraǵandy, Jambyl jáne Ońtústik Qazaqstanda tirkelgen.

Al jańa kólikterdiń (shyǵarylǵan ýaqyty 3 jyldan aspaıtyn kólikter) úlesi - 7,4 paıyz. Ulttyq statıstıka bıýrosynyń dereginshe, kópshilik sý jańa temir tulparlardyń ıeleri Nur-Sultan, Almaty jáne Shymkent qalasynyń turǵyndary.

Eske sala keteıik, buǵan deıin shetelden kólik tasýshylar taýar baǵasyn 53 mln dollarǵa kemitip kórsetkenin jazǵan bolatynbyz.