Elimizdiń qaı óńirlerinde bala týý kórsetkishi azaıdy
Bul týraly «Jynystyq jáne reprodýktıvtik densaýlyq qaýymdastyǵy» qoǵamdyq birlestiginiń dırektory Galına Grebennıkova aıtty, dep habarlaıdy QazAqparat tilshisi.
«Elimizdiń soltústik jáne shyǵys óńirlerinde bala týý kórsetkishi tómendep jatqany týraly málimet jarııalandy. Dál osy aımaqtarda júktilikti toqtatý deńgeıi aıtarlyqtaı joǵary ekenin baıqaýǵa bolady. ıAǵnı, áıelder, erli-zaıyptylar bastapqyda júktilikti toqtatyp, keıinnen ǵana otbasyn josparlaý máselesine nazar aýdarady», - Galına Grebennıkova elordadaǵy otbasy, demografııa jáne genderlik saıasat máseleleri jónindegi halyqaralyq ǵylymı konferentsııa barysynda.
Osy oraıda ol áıelder arasynda júktilikti josparlaý salasy boıynsha jasalǵan taldaý nátıjesi jaıynda aıtyp berdi.
«Júrgizilgen zertteý aıasynda áıelderdiń shamamen 43 paıyzy aldaǵy 12 aıda júktilikti josparlamaıtyny anyqtaldy. ıAǵnı kontratseptsııa qyzmetterine bara almasa, onda keıin júktilikti toqtatýǵa májbúr bolady», - dedi Galına Grebennıkova.
Onyń sózine qaraǵanda, júktilikti toqtatqandardyń ishinde 67 paıyzy qalada turatyn áıelder bolsa, qalǵan 33 paıyzy aýyldaǵy áıelder.
«Elimizdiń ońtústiginde bala týý boıynsha ósim bar. Osy oraıda, bul óńirlerde túsik jasatý deńgeıi aıtarlyqtaı tómen», - dedi maman.
Budan buryn habarlanǵandaı, Qazaqstandaǵy ıÝNFPA-nyń jynystyq jáne reprodýktıvti densaýlyq jónindegi jobasynyń úılestirýshisi Gaýhar Abýova áıelderdiń 35 jastan keıin bala týý kórsetkishi eki esege jýyq azaıǵanyn aıtty.
Qazaqstanda árbir altynshy júktilik túsik jasatýmen aıaqtalady.
Aıta keteıik,17 qarashada elordada Otbasy, demografııa jáne genderlik saıasat máseleleri jónindegi halyqaralyq ǵylymı konferentsııa bastaldy.