Elimizdiń qaýipsizdigine tónetin qaýip-qater az emes – Memleket basshysy
Memleket basshysy elordadaǵy Oqýshylar saraıynda ornalasqan №59 referendým ýchaskesinde daýys bergennen keıin, tilshiler saýalyna jaýap berdi. Tilshiler Q.Toqaevtan Prezıdent retinde buljytpaı ustanatyn qaǵıdalaryn surady.
Bul turǵyda Qasym-Jomart Toqaev halqymyzǵa adal qyzmet etý, Konstıtýtsııamyzdy qatań saqtaý basty qaǵıdat ekenin atap ótti.
«Aldymyzda turǵan maqsatymyz ben jumysymyz óte aýqymdy. Bárimiz el bolyp jumys isteýimiz kerek. Elimizdiń qaýipsizdigine tónetin qaýip-qater az emes. Sondyqtan elimiz bul baǵytta qyraǵylyq tanytýy kerek», - dedi Memleket basshysy.
Prezıdent Qazaqstan birtutas memleket retinde syn-qaterge toıtarys berýi qajet ekenin qadap aıtty.
Budan buryn habarlanǵandaı, Memleket basshysy elordadaǵy Oqýshylar saraıynda ornalasqan №59 daýys berý ýchaskesine kelip, respýblıkalyq referendýmda óz tańdaýyn jasady.