Elimizdiń kásipqoı boksshylary búgin AQSh-qa attanady
/strong>Aqpannyń 22-i. QazAqparat /Ádilet Musahaev/ - Búgin elimizdiń Kásipqoı boks federatsııasynyń ókilderi jáne bapkerler men bylǵary qolǵap sheberleri AQSh-qa jolǵa shyqpaq,
dep habarlaıdy QazAqparat.
Qazaqstandyq Kásipqoı boks federatsııasynyń prezıdenti Baýyrjan Ospanovtyń aıtýynsha, bul sapardyń negizgi maqsaty - birigip jattyǵý ótkizý, týrnırlerge qatysyp, álemdik kásipqoı boks promoýterlerimen tanysyp, kelisimder júrgizý.
"Sońǵy 2-3 jylda TMD jáne kórshiles memleketter arasyndaǵy ótkizgen jarystar qazaqstandyq jigitterdiń deńgeıin kóterdi. Osy jyldyń 5-shi naýryzynda Hıýston qalasynda AQSh pen Qazaqstan arasynda kezekti kezdesýi bolady. Sondaı-aq Maııamı qalasynda eki aptalyq birikken jattyǵýlar men bapkerlerdiń semınary ótpek. Bul saparǵa 15 boksshy barady, olar kásipqoı boks jáne erejesiz jekpe-jekten shyǵyp júrgen jigitter", deıdi B.Ospanov.
"Amerıkaǵa baryp úlken rıngte óner kórsetý burynnan kele jatqan armanym edi. Búgingi kúni osyndaı sport janashyrlarynyń uıymdastyrýymen ol jaqqa barýǵa múmindik týyp otyr. Qazirgi ýaqytta qarsylasymnyń kim ekenin bilmeımin, degenimen 70 keli salmaqta óner kórsetetin bolam. Sol jaqta promoýterlerdiń qyzyǵýshylyǵy bolyp jatsa AQSh-ta qazaqtyń týyn jelbiretemiz dep oılaımyn", deıdi erejesiz jekpe-jekten álemniń 3 dúrkin chempıony Ardaq Nazarov.
