Elimizdiń ındýstrııalandyrý kartasy boıynsha jyldyń sońyna deıin quny 459 mlrd. teńgeniń 72 jobasy aıaqtalatyn bolady

azannyń 18-i. QazAqparat /Aıdar Ospanálıev/ - Elimizdiń ındýstrııalandyrý kartasy boıynsha jyldyń sońyna deıin quny - 459 mlrd. teńgeni quraıtyn 72 joba aıaqtalatyn bolady. Bul týraly búgin selektorlyq formattaǵy Úkimet otyrysynda Indýstrııa jáne jańa tehnologııalar vıtse-mınıstri Berik Kamalıev málim etti.

Onyń málimetterine qaraǵanda, elimizdiń Indýstrııalandyrý kartasy aıasynda quny - 840 mlrd. teńgeni quraıtyn 144 jobany iske qosý kózdelgen. Óz kezeginde, osy jobalardyń aıasynda 20 myń jumys ornyn ashý tıis bolatyn. Іske qosylǵan keıbir jobalar qýat deńgeıine shyqqansha turaqty baqylaýda bolady. Al keıbireýleri tolyq qýatynda jumys istep, ekonomıkanyń túrli salalarynda óz tıimdiligin kórsetýde. Bul rette ıgerilgen ınvestıtsııanyń kólemi 372 mlrd. teńgeni qurap otyr.

«Qazannyń 7-si kúni ákimdikter men mınıstrlikterdiń, ulttyq holdıgter men bankterdiń basshylary orynbasarlarynyń qatysýymen kezekti selektorlyq májilis ótkizilip, onda árbir jobany jiti, jan-jaqty talqyladyq. Ondaǵy keıbir máseleler jedel túrde sheshildi. Biz ekinshi jarty jyldyqta iske qosylýy tıis jobalar boıynsha barlyq usynystardy qaradyq. Osyǵan sáıkes jyl sońyna deıin barlyq 80 jobany iske qosýdy josparlap otyrmyz. Osylaısha, jyl boıynda biz quny - 805 mlrd. teńgeni quraıtyn 152 jobany ótkizemiz. Ol 24 myń jumys ornyn qamtıtyn bolady", dedi B. Kamalıev..