Elimizdiń halyqaralyq rezervteri jarty jylda 4,3% artty
«Eldiń halyqaralyq rezervteri 2023 jylǵy 1 maýsymdaǵy jaǵdaı boıynsha 94,7 mlrd AQSh dollarǵa jetip, 2023 jyldyń basyna qaraǵanda 4,3% ósti. Ulttyq Banktiń altyn-valıýta aktıvteri 1,1% nemese 35,5 mlrd AQSh dollaryna deıin, Ulttyq qordyń shetel valıýtasyndaǵy aktıvteri 6,3% nemese 59,2 mlrd AQSh dollaryna deıin ulǵaıdy», - dep jazylǵan Ulttyq ekonomıka mınıstrliginiń qujatynda.
Mınıstrlik deregine qaraǵanda, 2023 jylǵy 1 mamyrdaǵy jaǵdaı boıynsha bank sektorynyń ekonomıkaǵa bergen kredıti 25 trln 621,1 mlrd teńge bolǵan. Onyń ishinde zańdy tulǵalarǵa – 10 trln 682,4 mlrd teńge, jeke tulǵalarǵa 14 trln 938,7 mlrd teńge kredıt berilgen.
«Depozıtter 2023 jylǵy 1 maýsymda 30 trln 629,2 mlrd teńge bolyp, 2023 jyldyń basyna qaraǵanda 1% azaıdy. Zańdy tulǵalardyń depozıtteri 3,8% nemese 14 trln 711,4 mlrd teńgege deıin tómendedi. Jeke tulǵalardyń depozıtteri 1,7% nemese 15 trln 917,8 mlrd teńgege deıin kóbeıdi. Ulttyq valıýtadaǵy depozıtterdiń úlesi 2022 jylǵy jeltoqsandaǵy 68,4%-ten 2023 jylǵy mamyrda 71,6%-ke deıin ósti», - dep jazady vedomstvo mamandary.
