Elimizdiń halyqaralyq rezervi 1 jylda 1,1 mlrd dollarǵa ulǵaıdy
ASTANA. QazAqparat – Elimizdiń halyqaralyq rezervi 1 jylda 1,1 mlrd dollarǵa ulǵaıdy. Bul týraly búgin Úkimet otyrysynda Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.
«2022 jyly jalpy halyqaralyq rezervter 90,8 mlrd dollarǵa deıin 1,1 mlrd dollarǵa ulǵaıdy. Altyn-valıýta rezervteri erkin konvertatsııalanatyn valıýtadaǵy aktıvterdiń ulǵaıýyna baılanysty byltyr 35,1 mlrd dollarǵa deıin 696 mln dollarǵa ósti. Aldyn-ala derekter boıynsha, Ulttyq qordyń aktıvteri ótken jyly 55,7 mlrd dollarǵa deıin 403 mln dollarǵa artty», - dedi Ulttyq bank tóraǵasy.
Onyń atap ótýinshe, respýblıkalyq bıýdjetke 4,6 trln teńgege transfertter bólý úshin jyl basynan bastap 4,3 mlrd dollarǵa valıýtalyq aktıvter satyldy.
«Damyǵan elderdegi ortalyq bankterdiń aqsha-kredıt saıasatyn kúsheıtý rıtorıkasyna baılanysty oblıgatsııalar men aktsııalar naryǵy jyl basynan beri edáýir tómendedi. Alaıda, qor qurylǵan sátten bastap onyń uzaq merzimdi kiristiligi jyldyq mánde 3,02 paıyz boldy», - dedi Ǵalymjan Pirmatov.
