Elimizdiń ǵımarattary jylyna shamamen 1 sharshy metrine 280-kVt-tan 380 kVt-qa deıingi aralyqta jylý tutynady

Bul týraly búgin Bnews.kz portaly arqyly ótken onlaın-konferentsııa barysynda QR Qurylys jáne turǵyn úı-kommýnaldyq sharýashylyq isteri agenttigi departamentiniń dırektory Vasılıı Maslov málim etti.

Onyń aıtýynsha, Halyqaralyq energetıkalyq qaýymdastyqtyń málimetterine sáıkes, qazirgi kúni Qazaqstandaǵy ǵımarattardyń jylý energııasyn tutyný kólemi jylyna 1 sharshy metrge shamamen saǵatyna 240 kVt-ty qurap otyr. Degenmen, «Qazaqstannyń turǵyn úı-kommýnaldyq sharýashylyǵyn damytý jáne
jańǵyrtý ortalyǵy» AQ-nyń túrli klımattyq aýmaqtaǵy, ártúrli konstrýktsııalyq qurylymdaǵy ǵımarattarǵa, ásirese, negizinen turǵyn úılerge júrgizgen aýdıtiniń nátıjesi halyqaralyq qaýymdastyqtyń málimetterinen de kóp tutynatynymyzdy kórsetti.

«Al is júzinde bizdiń aýdıtke sáıkes jekelegen keıbir ǵımarattarda 1 sharshy metrine 280-nen 380 kVt-qa deıingi aralyqta jylý tutynylady», - dedi ol.

Onyń atap ótýinshe, elimizdegi turǵyn úı sektory men áleýmettik nysandar, atap aıtqanda mektepter, aýrýhanalar jylý energııasyn kóbirek ysyrap etetin tutynýshylarǵa aınalyp otyr.