Elimizdiń fýtbol maýsymy 3 naýryzda bastalady
ASTANA. QazAqparat - Elimizdiń fýtbol maýsymy 3 naýryz kúngi Qazaqstan sýperkýbogy oıynymen bastalady. Bul Astana qalasynda ótken Qazaqstan kásipqoı fýtbol lıgasynyń jalpy jıynynda belgili boldy, dep habarlaıdy QazAqparat Qazaqstan Kásipqoı fýtbol lıgasyna silteme jasap.
Esterińizge sala ketelik, atalmysh oıyn «Astana» jáne «Qaırat» komandalarynyń arasynda bolady.
Kásipqoı fýtbol lıgasynyń jalpy jıynynda Premer-lıga oıyndarynyń kúntizbesi de anyqtaldy. Fýtboldan 2019 jylǵy Qazaqstan birinshiliginiń alǵashqy týry 10-11 naýryz kúnderi oınalady.
Sondaı-aq, otandyq klýb basshylary belgili fýtbolshy Serik Jeılitbaevty eske túsirýge arnalǵan jyl saıynǵy syılyqtyń ıegerin anyqtady. 2018 jyldyń qorytyndysymen ol syılyqqa Qyzylordanyń «Qaısar» komandasynyń jartylaı qorǵaýshysy Maqsat Baıjanov laıyq dep tanyldy.
Jalpy jıyn barysynda 2019 jylǵy maýsymdaǵy jarystardyń resmı doby bekitildi. Bıyl qazaqstandyq komandalar Adidas kompanııasynyń dobymen oınaıdy. Sonymen qatar, Conext 19 doby 2020 jylǵy Eýropa Chempıonatynyń irikteý kezeńniń resmı doby sanalady.
Budan buryn fýtboldan Qazaqstan men Moldova quramalary 21 naýryzda kezdesetinin habarlaǵan edik.
