Elimizdiń farmatsevtıkalyq naryǵynyń 90 paıyzy ımporttyq dári-dármekpen qamtamasyz etilip otyr - V. Zverkov
dep habarlaıdy QazAqparat.
«Farmatsevtıka salasyndaǵy jalpy memlekettik satyp alýlarda qazaqstandyq ónimniń mólsheri 10 paıyzǵa áreń jetedi. ıAǵnı, elimizdiń farmatsevtıkalyq naryǵynyń 90 paıyzy ımporttyq dári-dármekpen qamtamasyz etiledi. Naryqtyń ereksheligin eskere kele, sondaı-aq jyl saıyn memleket tarapynan aıtarlyqtaı qomaqty qarjy bólinetindikten byltyrǵy jyly Úkimet dári-dármekti satyp alýdy ortalyqtandyrý týraly sheshim qabyldap, biryńǵaı dıstrıbıýter júıesi engizilgen bolatyn. Osyǵan oraı, «Samuryq-Qazyna Farmatsııa» kompanııasy otandyq farmatsevtıka salasyn damytýǵa qatysty naqty mindetterdi atqaratyn bolady. Bul rette eń aldymen qazaqstandyq qamtý deńgeıin arttyrý kózdelýde», dedi V. Zverkov.
Onyń aıtýynsha, ortalyqtandyrý júıesine qatysty halyqaralyq tájirıbeler de keńinen taraǵan. Máselen, Germanııa men Frantsııada áleýmettik paket boıynsha memleket tarapynan dári-dármekter satyp alýmen tek eki kompanııa ǵana aınalysady. Al Ulybrıtanııa men Malaızııada bul qyzmetti bir ǵana kompanııa atqaryp keledi. «Biryńǵaı dıstrıbıýterge qatysty malaızııalyq tájirıbe Qazaqstanda júzege asyp otyr. Jalpy, bundaı biryńǵaı dıstrıbıýter boıynsha jumys nátıjeleri alǵashqy jyldyń ózinde-aq tıimdiligin kórsetti», dedi Bas dırektor.
