Elimizdiń estrada juldyzdary gospıtal dárigerlerin merekelerimen quttyqtady
ASTANA. 16 maýsym. QazAqparat - Almaty shaharyndaǵy Uly Otan soǵysy múgedekteriniń klınıkalyq gospıtaliniń qyzmetkerleri medıtsına qyzmetkerleriniń kúnin saltanatty túrde atap ótti.
Atalǵan gospıtal baspasóz qyzmetiniń habarlaýynsha, mekemege aq halatty abzal jandardy merkelerimen quttyqtaý maqsatynda «Nur Otan» halyqtyq-demokratııalyq partııasynyń ókilderi men «Aýǵan soǵysy ardagerleri keńesiniń» músheleri arnaıy keldi. Eńbegimen erekshelengen dárigerler Densaýlyq saqtaý mınıstriniń alǵys hattarymen marapattaldy. Jıyn sońynda Merýert Túsipbaeva, Dáýren Seıitjan, Murat Toqashbaev, «Denar» toby sekildi estrada juldyzdary ánnen shashý shashty.
Іrgesi ótken ǵasyrdyń qyrqynshy jyldary qalanǵan gospıtalde búgin Uly Otan soǵysy ardagerleri men aýǵan soǵysyna qatysqandar, chernobldikter, Semeı polıgonynyń zardabyn tartqandar em-dom alady.
