Elimizdiń erkin kúres sheberleri Ivan ıArygın týrnırinde baq synaýda

Onda Qazaqstan namysyn erler arasynda da, áıelder arasynda da 7 salmaq dárejesi boıynsha on-onnan balýan qorǵaýda. Keshe áıelder kúresinen 51 kelidegi Gúlmıra Ysqaqova men Aıjan Ysmaǵulova, 59 kelidegi Merýert Dynbaeva men Jýlııa Satymbekova jáne 67 kelidegi Tatıana Zaharova, al erkin kúresten Ǵabıt Tólepbaı, Erkebala Turǵanbaev (55 kg) jáne Aqjúrek Tańatarov (74 kg) beldesýler ótkizdi. Alaıda olardyń eshqaısysy da qazaqstandyq jankúıerlerlerdi qýantatyndaı jaqsy nátıje kórsete almady.

Búgin endi erlerden Dáýren Áshirov (60 kg) jáne Azamat Ómirjanov pen Samat Omarov (66 kg). Áıelder kúresinde Eleonara Ábýtálipova, Juldyz Áshimova (48 kg), Aıym Ábildına (55 kg), Olga Kalıngına (63 kg) men Elmıra Syzdyqova (72 kg) synǵa túsedi. Arǵy kúni erkin kúresshiler arasynda 96 jáne 120 kelidegi balýandardyń jarysy ótedi. Onda el namysyn 96 kelide Jumaǵalı Mamýtov pen Ǵanı Іzmaǵambetov, al eń aýyr salmaqta Erjan Dúısenbekov qorǵaıtyn bolady. Jalpy bul dúbirli dodada ár salmaq dárejesi boıynsha úzdik segizdiktiń qataryna engender Bakýde ótetin aqtyq Golden Gran-prı týrnırinde beldesýge múmkindik alady.