Elimizdiń Eńbek mınıstrligi jumysy qyzmetkerleriniń ómirine qaýipti kásiporyndardy anyqtady
ASTANA. 23 shilde. QazAqparat - QR Eńbek jáne halyqty áleýmettik qorǵaý mınıstrligi jumysy qyzmetkerleriniń ómirine qaýip tóndiretin kásiporyndardy anyqtady.
Bul týraly búgin atalǵan vedomstvonyń alqa májilisinde mınıstr Gúlshara Ábdiqalyqova aıtty.
Onyń atap ótýinshe, qazirgi ýaqytta elimizde eńbekti qorǵaý salasynyń táýekelderin basqarý júıesin engizý qolǵa alynǵan. Onyń mán-maǵynasy tek óndiriste oryn alǵan qaıǵyly oqıǵalarǵa áreket etý emes, sonymen qatar qaýipterdi eskertýge de negizdeledi.
«Ótken jyly bul júıege iri jáne orta bıznestiń 5182 kásiporny qosyldy. Tekserý qorytyndysy boıynsha, tekserilgen kásiporyndardyń jalpy sanynyń 28 paıyzy eńbek zańnamasyn saqtaý jáne óreskel buzý saldarynan táýekeldiń joǵary deńgeıine, uıymdardyń 41 paıyzy táýekeldiń ortasha deńgeıine jáne 31 táýekeldiń tómengi deńgeıine jatqyzyldy», - dedi ol.
Sonymen qatar mınıstr aǵymdaǵy jyly kásiporyndardy qadaǵalaý barysynda birinshi topqa jatqyzylǵan mekemelerge erekshe nazar aýdarylatyndyǵyn basa aıtty.
