Elimizdiń eń úzdik dárigerleri anyqtaldy
Baıqaýǵa óz atalymdary boıynsha óńirlik baıqaýlardyń jeńimpazdary bolǵan Qazaqstannyń barlyq óńirleriniń medıtsına qyzmetkerleri qatysty. Jeńimpazdardy QR DSÁDM, Respýblıkalyq densaýlyq saqtaýdy damytý ortalyǵy, medıtsınalyq uıymdar jáne úkimettik emes uıymdardyń ókilderinen quralǵan arnaýly komıssııalar anyqtady. Baıqaý barysynda árbir qatysýshy óziniń kásibı qyzmeti jóninde esebin usynyp, tanystyrylym jasady. Jeńimpazdardy anyqtaý barysynda olardyń biliktilik deńgeıi, jumys ótilderi, salaǵa qosqan jeke úlesi esepke alyndy. Sonymen, ár atalym boıynsha jeńimpazdar dep tanylǵandar: «Úzdik dáriger» - Pavlodar oblystyq balalar aýrýhanasynyń travmatology Baqytbek Tekimanov; «Úzdik aýyl dárigeri» - BQO Zelenov ortalyq aýdandyq aýrýhanasynyń jalpy tájirıbe dárigeri Qarlyǵash Asqarova; «Úzdik menedjer - densaýlyq saqtaý salasynyń uıymdastyrýshysy» - Almaty qalalyq №4 klınıkalyq aýrýhanasynyń bas dárigeri Ánýar Amanov; «Úzdik meıirger» - Qostanaı qalalyq balalar aýrýhanasynyń jansaqtaý jáne qarqyndy terapııa bóliminiń meıirgeri Oksana Tkalenko; «Úzdik feldsher» - Almaty qalalyq jedel medıtsınalyq járdem qyzmetiniń bas feldsheri Qanat Qurmanov; «Úzdik densaýlyq saqtaý salasynyń táýelsiz sarapshysy» - Aqmola oblystyq aýrýhanasynyń operatsııalyq blogynyń meńgerýshisi Asqar Rashıtov; «Úzdik JOO oqytýshysy» - Semeı qalasynyń Medıtsınalyq memlekettik ýnıversıtetiniń ishki aýrýlar kafedrasynyń dotsenti Lıýdmıla Pıvına; «Úzdik kolledj oqytýshysy» - Respýblıkalyq medıtsınalyq jáne farmatsevtıkalyq qyzmetkerlerdi daıarlaý jáne qaıta daıarlaý kolledjiniń ǵylymı ádistemelik ortalyǵynyń oqytýshysy Svetlana Sahısheva; «Úzdik túlek» - Astana medıtsına ýnıversıtetiniń túlegi Anastasııa Rogovaıa; «Úzdik ǵalym» - Qaraǵandy medıtsınalyq ýnıversıtetiniń ǵylymı-zertteý ortalyǵynyń dırektory Іlııas Ázızov; «Úzdik sanıtar dáriger» - Laýra Nasyrova; «Úzdik provızor» - «Jańamed-PV» farmatsevtıkalyq kompanııasynyń dırektory Evgenıı Bolger. «Meıirim» atalymynda KSRO jáne Qazaq KSR qurmetti donory, qan donatsııasy sany jaǵynan álemde 2-shi oryn alatyn Aleksandr Skakovskıı jeńimpaz bop tanyldy. Baıqaýda úzdik shyqqandar 19 maýsymda Astanadaǵy Beıbitshilik jáne kelisim saraıynda ótetin Medıtsına qyzmetkerleri kúnine arnalǵan saltanatty sharada marapattalady.