Elimizdiń elektr stansylarynda 3,5 mln. tonna kómirdiń qory bar
ASTANA. Qyrkúıektiń 13-i. QazAqparat /Ernur Aqanbaı / - Qazirgi ýaqytta elimizdiń elektr stansylarynda 3,5 mln. tonna kómirdiń qory bar. Bul ótken jyldyń deńgeıinen 113 paıyzǵa joǵary. Bul týraly búgin jylytý maýsymyna daıyndyqqa qatysty ótip jatqan selektorlyq formattaǵy Úkimet otyrysynda Indýstrııa jáne jańa tehnologııalar vıtse-mınıstri Beısenbaı Turǵanov aıtty.
Onyń aıtýynsha, sonymen qatar elimizde jylytý maýsymyn birqalypty ótkizý úshin qazirgi ýaqytta 1 mln. tonnadan astam mazýttyń qory jınalǵan. Alaıda mazýtty daıyndaýda kesteden azdap qalyp qoıýshylyq bar. Mazýttyń qory ótken jyldyń deńgeıinen sál tómen. «Alaıda, mazýtty jetkizý bekitilgen kestege sáıkes osy jylǵy qazannyń 1-inde bastalady. Biz bul qalyp qoıýshylyqty qýyp jetemiz dep úmittenemiz», dedi vıtse-mınıstr.
B. Turǵanov elimizdiń birqatar óńirlerinde bıylǵy jylytý maýsymyna daıyndyqta azdaǵan problemalar baryn atap kórsetti.
