Elimizdiń eki oblysynda burshaq jaýyp, batysta aptap ystyq saqtalady - 21 shildege arnalǵan aýa raıy boljamy
TANA. 20 shilde. QazAqparat - Qazaqstan aýmaǵynyń basym bóligi atmosferalyq aǵyndar yqpalynda bolyp, keı jerlerde jańbyr, burshaq jaýady, naızaǵaı oınaıdy, jel kúsheıedi dep kútilýde. Al respýblıkanyń batys aýdandarynda jańbyrsyz ári aptap ystyq saqtalady.
Bul aqparatty QR TJM baspasóz qyzmeti Qazgıdrometke silteme jasap habarlaıdy.
Aqmola, Qaraǵandy, Pavlodar, Shyǵys Qazaqstan, Almaty, Jambyl, kúndiz Aqtóbe, Qostanaı, Atyraý, Qyzylorda, Ońtústik Qazaqstan oblystarynyń keı jerlerinde naızaǵaı oınap, jeldiń jyldamdyǵy sekýndyna 15-22 metrge, al kúndiz Aqmola, Qaraǵandy oblystarynda qatty jańbyr, burshaq jaýady dep kútilýde.
Soltústik Qazaqstan oblysynda túnde jáne tańerteń tuman túsedi.
Erteń kúndiz Batys Qazaqstan, Atyraý oblystarynyń keı jerlerinde +40/+43°S-qa deıin, Mańǵystaý oblysynda +43+/45°S-qa deıin aptap ystyq saqtalady.
Kúndiz Aqtóbe oblysynda da +41°S-qa deıin qatty ystyq bolatyndyǵy kútilýde. Batys Qazaqstan, Atyraý, Ońtústik Qazaqstan, Qyzylorda oblystarynda, Jambyl oblysynyń batysynda, Almaty men Shyǵys Qazaqstan oblystarynyń soltústiginde tótenshe joǵary órt qaýipi saqtalady.
Taıaý táýlikte Almaty, Ońtústik Qazaqstan, Jambyl jáne Shyǵys Qazaqstan oblystarynyń taý ózenderinde sý deńgeıiniń aýytqýy baıqalady. Qazaqstannyń basqa sý nysandarynda aıtarlyqtaı ózgerister bolmaıdy.
