Elimizdiń eki qalasynda aýa sapasy nasharlaıdy
ASTANA. QazAqparat - 19 jeltoqsan kúni Qazaqstan qalalarynyń kópshiliginde meteorologııalyq jaǵdaı jaıly bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtaý, Astana, Atyraý, Qostanaı, Qyzylorda, Kókshetaý, Pavlodar, Petropavl, Taldyqorǵan, Taraz, Óskemen jáne Shymkentte aýa sapasy jaǵymdy bolady.
Al Aqtóbe men Oral qalalarynda meteorologııalyq jaǵdaı atmosferada lastaýshy zattardyń shoǵyrlanýyna yqpal etedi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldimekenderdegi atmosferalyq aýanyń sapasy nasharlaýy yqtımal.
