Elimizdiń bokstan ulttyq quramasy Bakýde ótetin álem chempıonatyna júrip ketti
ASTANA. 22 qyrkúıek. QazAqparat - Erteń elimizdiń bokstan ulttyq quramasy Bakýde ótetin álem chempıonatyna qatysý úshin attanady. Bul baıraqty básekede 2012 jyly Londonda ótetin Olımpıada oıyndaryna joldama sarapqa salynada,
dep habarlady QR Boks federatsııasynyń baspasóz qyzmetinen.
Álem chempıonatyna qatysatyn komanda quramyn ulttyq quramanyń bapkerler keńesi aıqyndady. Qazaqstandyq sportshylar 9 salmaq dárejesinde el namysyn qorǵaıdy. Atap aıtqanda, Birjan Jaqypov (49 keli), Oljas Sáttibaev (52), Ǵanı Jaılaýov (60), Danııar Eleýsinov (64), Serik Sápıev (69), Danabek Sýjanov (75), Ádilbek Nııazymbetov (81), Vasılıı Levıt (91), Ivan Dychko (+91) sharshy alańǵa kóteriledi.
Esterińizge sala keteıik, 54 keli salmaq dárejesinde óner kórsetetin Qanat Ábýtálipov 27-28 mamyr kúnderi Qytaıdyń Gýıjoý qalasynda ótken Búkilálemdik boks serııasynyń jekeleı chempıonatynda jeńimpaz atanyp, Búkilálemdik boks serııasy reıtıngindegi eń úzdik boksshy dep tanylǵan bolatyn. Sóıtip, ol London Olımpıadasynyń joldamasyn ıelengen-di.
