Elimizdiń birneshe óńirinde kún buzylady

NUR-SULTAN. QazAqparat - «Qazgıdromet» RMK aýa raıynyń buzylýyna baılanysty birqatar óńirde eskertý jarııalady, dep habarlaıdy QazAqparat.

8-9 maýsymda Qyzylorda oblysynyń keı jerlerinde naızaǵaı jarqyldap, daýyl soǵady. Jel soltústik-batystan soltústik-shyǵysqa aýysady, keı jerlerde jeldiń ekpini - 15-20 m/s. 9 maýsymda keı jerlerde burshaq jaýýy yqtımal.

8 maýsymda Qostanaı oblysynyń keı jerlerinde naızaǵaı oınap, kúndiz burshaq jaýady. Soltústik-batystan jel soǵady, túnde keı jerlerde jel ekpini - 15-20, kúndiz 15-20, 23 m/s deıin kúsheıedi.

Osy kúni Qostanaı qalasynda soltústik-batystan soqqan jeldiń jyldamdyǵy 15-20 m/s bolady.

8 maýsymda tańerteń jáne kúndiz Túrkistan oblysynyń keı jerlerinde qatty jańbyr jaýyp, naızaǵaı oınaıdy. Daýyl, burshaq kútiledi. Soltústik-batystan soqqan jeldiń kúshi 15-20 m/s jetedi.

Shymkent qalasynda 8 maýsymda kúndiz naızaǵaı jarqyldap, daýyl turady. Burshaq jaýady. Soltústik-batystan soqqan jel 15-20 m/s deıin kúsheıedi.

Túrkistan qalasynda osy kúni tańerteń jáne kúndiz naızaǵaı oınaıdy. Daýyl turyp, burshaq jaýady. Soltústik-batystan jyldamdyǵy 15-20 m/s bolatyn kúshti jel soǵady.