Elimizdiń birneshe oblysynda respýblıkalyq mańyzy bar joldar jabyldy
ASTANA. QazAqparat - Aýa raıynyń qolaısyzdyǵyna baılanysty elimizdiń birneshe oblysynda kólik qozǵalysyna shekteý qoıyldy, dep habarlaıdy QazAqparat «Qazaqavtojol» RMK-ǵa silteme jasap.
Osyǵan deıin habarlaǵanymyzdaı, Astanada saǵat 20:00-den bastap kólik quraldarynyń kez kelgen túri úshin barlyq baǵyttaǵy qozǵalysqa shekteý engizildi.
Qatty jel men kóktaıǵaqtyń túsýine baılanysty Aqmola oblysynda saǵat 20:00-den bastap kólik quraldarynyń kez kelgen túri úshin respýblıkalyq mańyzy bar myna tasjoldar jabyldy:
«Astana-Petropavl» (18-231 shaqyrym); «Jezqazǵan-Petropavl» (377-595 shaqyrym, Qostanaı oblysy - SQO shekarasy); «Qostanaı-Áýlıekól-Surǵan» (232-260 shaqyrym, Qostanaı oblysynyń shekarasy - Surǵan aýyly); «Jaqsy-Esil-Buzylyq» (0-82 shaqyrym, Jaqsy eldi mekeni - Buzylyq aýyly); «Ekaterınbýrg-Almaty» avtojoly (856-1247 shaqyrym, SQO shekarasy - Astana qalasy);
«Ekaterınbýrg - Almaty» (1275-1353 shaqyrym, Astana - Qaraǵandy oblysy shekarasy); «Astana-Qorǵaljyn» (19-180 shaqyrym, Astana - Qorǵaljyń qoryǵy);
«Astana - Qabanbaı batyr - Aqmola oblys shekarasy» (16-51 shaqyrym); «Makınsk-Aqsý-Torǵaı» (0-240 shaqyrym, Makınsk q.-Torǵaı q.); «Astana-Ereımentaý-Shiderti» (16-205 shaqyrym); «Kókshetaý-Atbasar» (48-184 shaqyrym, Zerendi eldi mekeni-Atbasar q.).
Qostanaı oblysynda boran men joldy kórý múmkindiginiń shektelýine baılanysty saǵat 20:00-den bastap kólik quraldarynyń kez kelgen túri úshin respýblıkalyq mańyzy bar R-36 «Qostanaı-Áýlıekól-Surǵan» (108-232 shaqyrym, Áýlıekól aýdany - Aqmola oblysynyń shekarasy) tasjoly jabyldy.
Pavlodar oblysynda joldyń kórinbeýine baılanysty saǵat 20:00-den bastap «Astana-Ereımentaý-Shiderti» avtojolynyń 205-259 shaqyrym aralyǵynda (Shiderti kentinen Aqmola oblysyna deıin) barlyq avtokólik quraldarynyń túrlerine qozǵalys jabyldy.
Aqtóbe oblysynda kóktaıǵaqtyń túsýine baılanysty 22:00-den bastap respýblıkalyq mańyzy bar myna joldar jabyldy: «Samara-Shymkent» (836-965 shaqyrym); «Aqtóbe-Orsk» (39-135 shaqyrym).
