Elimizdiń birqatar óńirlerindegi mektepterde sabaq ótkizilmeıdi
ASTANA. QazAqparat - Elimizdiń soltústik, ortalyq jáne shyǵys óńirlerinde qatty aıazǵa baılanysty mektepterdegi sabaqtar toqtatyldy, dep habarlaıdy QazAqparat.
Pavlodar oblystyq bilim basqarmasynyń málimetinshe, 7 aqpanda birinshi aýysymdaǵy 1-11 synyp oqýshylaryna sabaq ótkizilmeıdi. Óńirde temperatýra mınýs 35, jel 3 m/s.
Shyǵys Qazaqstan oblysynyń Bilim basqarmasy taratqan aqparat boıynsha, 7 aqpanda óńirdegi birqatar qala men aýdanda sabaq ótkizilmeıdi.
Óskemen qalasy (temperatýra -33) 1 aýysymdaǵy 1-9 synyp aralyǵynda sabaq bolmaıdy
Semeı qalasy (-35) 1 aýysymdaǵy 1-11 synyp aralyǵynda, kolledjderdiń 1-2 kýrstaryna sabaq bolmaıdy.
Borodýlıha aýdany (-35) 1 aýysymdaǵy 1-11 synyp aralyǵynda, kolledjderdiń 1-2 kýrstary oqymaıdy.
Shemonaıha aýdany (-35) 1-2 aýysymdaǵy 1-11 synyp oqýshylary, kolledjderdiń 1-2 kýrstaryna sabaqtar bolmaıdy
Aıagóz aýdany (-31) 1 aýysymdaǵy 1-11 synyp aralyǵynda sabaq ótkizilmeıdi.
Altaı aýdany (-29) 1 aýysymdaǵy 1-4 synyp aralyǵynda sabaq bolmaıdy
Kúrshim aýdany (-22 jel 6m/s) 1 aýysym, 1-4 synyp oqýshylary mektepke barmaıdy.
Aqmola oblysynda 0-11 synyp aralyǵyndaǵy oqýshylarǵa sabaq ótkizilmeıdi. Óńirde 37-42 gradýs qatty aıaz.
Qostanaı qalasy bilim bóliminiń málimetinshe, búgin 0-11 synyp aralyǵyndaǵy oqýshylarǵa sabaq ótkizilmeıdi. Sondaı-aq bilim berý mekemeleriniń ákimshiligi sheshimine sáıkes kolledjderdiń 1-2 kýrs stýdentteri de oqymaýy múmkin. Qazir qalada mınýs 31 gradýs aıaz, ońtústikten jyldamdyǵy sekýndyna 3-5 metr jel soǵyp tur.
Soltústik Qazaqstan oblysynda oqýshylar úshinshi kún qatarynan demalyp jatyr. Oblystyq bilim basqarmasynyń málimetinshe, 7 aqpanda 0-11 synyp oqýshylaryna sabaq ótkizilmeıdi. Óńirde termometr baǵany mınýs 36 gradýsty kórsetip tur.
Eske sala ketsek, Astana qalalyq bilim basqarmasy aýa raıynyń kolaısyzdyǵyna baılanysty búgin qaladaǵy mektepterde birinshi aýysymdaǵy 0-12 synyp oqýshylaryna jáne kolledjderdiń 1-2 kýrs stýdentteri úshin sabaq bolmaıtyndyǵyn eskertti.
