Elimizdiń birqatar óńirlerinde boran soǵýy yqtımal - 25 jeltoqsanǵa arnalǵan aýa raıy boljamy
ASTANA. 24 jeltoqsan. QazAqparat - Respýblıka aýmaǵynda aýa raıynyń turaqsyzdyǵy saqtalady, atmosferalyq aǵyndardyń ótýine baılanysty keı jerlerde qar jaýady, jel kúsheıedi, boran soǵady, kóktaıǵaq bolady, tuman túsedi, dep habarlady QR TJM baspasóz qyzmetinen "Qazgıdromet" RMK-ǵa silteme jasaı otyryp.
Almaty oblysynda keı jerlerde tuman túsedi, kóktaıǵaq bolady, Jalańashkól aımaǵynda jel 17-22 m/s-ke kúsheıedi. Aqmola, Soltústik Qazaqstan, Shyǵys Qazaqstan, Aqtóbe, kúndiz Qaraǵandy oblystarynda keı jerlerde boran soǵyp, jel 15-20 m/s-ke kúsheıedi dep kútilýde. Jambyl, Ońtústik Qazaqstan oblystarynyń birqatar aımaqtarynda boran soǵady dep boljanýda, tuman túsedi, kóktaıǵaq bolady, Jambyl oblysynda jel 15-20 m/s-ke kúsheıedi. Qyzylorda, Mańǵystaý oblystarynda kúndiz keı jerlerde boran soǵyp, jel 15-20 m/s-ke kúsheıýi yqtımal, túnde jáne tańerteń keı jerlerde tuman túsedi. Atyraý oblysynda keıbir jerlerde tuman túsedi, kóktaıǵaq bolady, jel 15-20 m/s-ke kúsheıedi. Batys Qazaqstan oblysynda túnde keı jerlerde kóktaıǵaq bolady dep kútilýde, tuman túsedi. Aqtóbe oblysynda keı jerlerde boran soǵyp, jel 15-20 m/s-ke kúsheıedi dep kútilýde, túnde jáne tańerteń keı jerlerde tuman túsedi, kóktaıǵaq bolady. Qostanaı oblysynda keı jerlerde tuman túsedi, túnde jáne tańerteń jel 15-20 m/s-ke kúsheıedi.
Aldaǵy táýlikte Qazaqstannyń sýly nysandarynda muz qatý úderisi jalǵasady, respýblıkanyń ońtústigi, ońtústik-shyǵysy jáne shyǵysynyń jekelegen ózenderinde sý deńgeıiniń kóterilýi múmkin.
