Elimizdiń birqatar óńirinde kúshti jel, kóktaıǵaq, boran kútiledi
ASTANA. QazAqparat - Elimizdiń birqatar óńirinde aýa raıynyń qolaısyzdyǵyna baılanysty eskertý jarııalandy, dep habarlaıdy QazAqparat Qazgıdrometke silteme jasaı otyryp.
30 qańtarda Shyǵys Qazaqstan oblysynda túnde keı jerlerde tuman túsedi. Keı jerlerde jaıaý burqasyn bolady, ońtústik-shyǵystan coǵatyn jeldiń kúshi 15-20, kúndiz ekpini 25 m/s jetedi.
30 qańtarda Qostanaı oblysynyń keı jerlerinde burqasyn bolady, soltústik-shyǵystan soǵatyn jeldiń kúshi 15-20 m/s jetýi yqtımal.
Sol kúni Qostanaı qalasynda burqasyn, soltústik-shyǵystan soǵatyn jeldiń kúshi 15-20 m/s kútiledi.
30 qańtarda Aqtóbe oblysynyń keı jerlerinde kúndiz jaıaý burqasyn bolady, soltústik-shyǵystan soqqan jel 15-20 m/s jetedi.
Sol kúni Aqtóbe qalasynda kúndiz jaıaý burqasyn soǵýy yqtımal.
30-31 qańtarda Jambyl oblysynda ońtústik-batystan kúshti jel soǵady, onyń jyldamdyǵy keı jerlerde 15-20 m/s, 30 qańtarda kúndiz, 31 qańtarda táýlik boıy ekpini 23-28 m/s saqtalady. Keı jerlerde tuman túsip, kóktaıǵaq bolady.
30 qańtarda kúndiz, 31 qańtarda táýlik boıy Taraz qalasynda ońtústik-batystan soqqan jeldiń ekpini 15-20 m/s, keı ýaqytta 23 m/s kútiledi. Keı ýaqytta tuman, kóktaıǵaq kútiledi.
30 qańtarda Almaty oblysynyń keı jerlerinde ońtústik-shyǵystan soǵatyn jeldiń kúshi 15-20 m/s, Alakól mańynda 20-25, ekpini 30 m/s jáne odan da kúsheıip ketýi yqtımal.
30 qańtarda kúndiz Túrkistan oblysynyń keı jerlerinde qatty qar nemese jaýyn jaýady. Keı jerlerde tuman, kóktaıǵaq bolady, ońtústik-batystan soǵatyn jeldiń kúshi 17-22 m/s, tańerteń jáne kúndiz ekpini 27 m/s jetedi.
30 qańtarda Shymkent qalasynda kúndiz qatty jaýyn-shashyn kútiledi, ońtústik-batystan soqqan jeldiń jyldamdyǵy 17-22 m/s jetedi.
30 qańtarda Túrkistan qalasynda ońtústik-batystan 17-22 m/s kúshti jel soǵady.
