Elimizdiń birqatar óńirinde qatty jel soǵady
NUR-SULTAN. QazAqparat – Sınoptıkterdiń boljaýynsha, elimizdiń birqatar óńirinde jel kúsheıip, burshaq jaýýy yqtımal, dep habarlaıdy QazAqparat Qazgıdrometke silteme jasap.
13 tamyzda Aqmola oblysynyń keı jerlerinde naızaǵaı jarqyldaıdy, ońtústik shyǵystan soǵatyn jel ońtústik batysqa aýysady, jyldamdyǵy sekýndyna 15-20 metrge, kúndiz 25 m/s jetedi.
Seısenbide Nur-Sultan qalasynda ońtústik shyǵystan soǵatyn jel ońtústik batysqa aýysady, ekpini 15-20 m/s.
13-14 tamyzda Soltústik Qazaqstan oblysynyń keı jerlerinde kún kúrkireıdi, daýyl soǵady, burshaq jaýýy yqtımal. Shyǵystan, soltústik shyǵystan jel soǵady, keı jerlerde ekpini 15-20 m/s, 13 tamyzda kúndiz keı jerlerde ekpini 23-28 m/s jetedi.
Petropavl qalasynda 13-14 tamyzda naızaǵaı, daýyl, burshaq kútiledi. Shyǵystan, soltústik shyǵystan jel soǵady, ekpini 15-20 m/s, kúndiz 13 tamyzda ekpini 23-28 m/s jetedi.
13 tamyzda Qostanaı oblysynyń keı jerlerinde naızaǵaı, batystan, soltústik batystan jel soǵady, kúshi 15-20 m/s jetvýi múmkin. Kúndiz keı jerlerde burshaq jaýýy yqtımal.
Qostanaı qalasynda sol kún kurkirep, naızaǵaı jarqyldaıdy.
Tek Shyǵys Qazaqstan oblysynda kún raıy ashyq. 13 tamyzda óńirdiń kúndiz keı jerlerinde qatty ystyq bolady, termometr baǵany 36° jetýi yqtımal.
