Elimizdiń birqatar óńirinde azyq-túlik taýarlaryna baǵany negizsiz kóterý faktileri anyqtaldy
ASTANA. QazAqparat - Elimizdiń birqatar óńirinde azyq-túlik taýarlaryna baǵany negizsiz kóterý faktileri anyqtaldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR UEM Tabıǵı monopolııalardy retteý jáne básekelestikti qorǵaý komıtetiniń tóraǵasy Serik Jumanǵarın málim etti.
Komıtet basshysynyń sózine qaraǵanda, Atyraý, Shyǵys Qazaqstan, Mańǵystaý jáne Soltústik Qazaqstan oblystarynda monopolııaǵa qarsy zańnamany buzý faktileri anyqtalmaǵan. ıAǵnı, bul óńirlerde qant, nan, suıyq maı baǵalary obektıvti sebeptermen kóterilgen.
«Qazirgi kezde Almaty jáne Pavlodar oblystaryndaǵy etke, taýyqqa jáne qantqa baǵany negizsiz kótergen naryq sýbektileri ákimshilik jaýapkershilikke tartyldy. Olarǵa 3 mln. teńgeden astam aıyppul salyndy»,- dedi ol.
Sondaı-aq ol Ońtústik Qazaqstan, Aqtóbe, Pavlodar, Qyzylorda, Batys Qazaqstan oblystarynda azyq-túlik taýarlaryna baǵany negizsiz kóterý faktileri anyqtalǵanyn atap ótti.
«Bul materıaldar sotqa jiberiledi. Salynatyn aıyppul 20,5 mln. teńgeden asady», - dedi S.Jumanǵarın.
