Elimizdiń birqatar óńirinde aýa raıyna qatysty eskertý jarııalandy
NUR-SULTAN. QazAqparat – Elimizdiń birqatar óńirinde aýa raıyna qatysty eskertý jarııalandy, dep habarlaıdy QazAqparat Qazgıdrometke silteme jasap.
14 jeltoqsanda Aqmola oblysynyń keı jerlerinde kóktaıǵaq, burqasyn bolýy yqtımal. Soltústik-batystan soǵatyn jel soltústik-shyǵysqa aýysady, túnde keı jerlerde kúshi 15-20 m/s.
14 jeltoqsanda Qyzylorda oblysynyń keı jerlerinde kóktaıǵaq, 14-16 jeltoqsanda keı jerlerde tuman túsedi.
14 jeltoqsanda túnde jáne tańerteń Túrkistan oblysynyń taýynda qatty jaýyn-shashyn (jańbyr, qar) kútiledi. Keı jerlerde tuman, kóktaıǵaq, burqasyn, soltústik-batystan soǵatyn jeldiń jyldaımdyǵy 15-20 m/s jetedi.
Shymkent qalasynda 14 jeltoqsanda keı ýaqytta tuman, túnde soltústik-batystan 15-20 m/s jeldiń kúsheıýi kútiledi. Al Túrkistanda túnde jáne tańerteń tuman túsedi, túnde soltústik-batystan soqqan jeldiń jyldamdyǵy 15-20 m/s jetedi.
14 jeltoqsanda Shyǵys Qazaqstan oblysynda qar jaýady. Keı jerlerde burqasyn bolyp, tuman túsedi, kóktaıǵaq. Ońtústik-shyǵystan coqqan jel soltústik-batysqa aýysady, kúshi keı jerlerde 15-20 m/s jetedi.
