Elimizdiń birqatar óńirinde aýa raıy buzylady
NUR-SULTAN. QazAqparat - 27-28 maýsym kúnderi Qazaqstannyń basym bóliginde qubylmaly kún raıy saqtalady, jańbyr jaýyp, naızaǵaı oınaıdy, dep habarlaıdy «QazAqparat» HAA Qazgıdrometke silteme jasap.
28 maýsym kúni Qyzylorda oblysynyń keı jerlerinde naızaǵaı oınap, daýyl soǵýy yqtımal. Soltústik jáne soltústik-shyǵystan soqqan jeldiń jyldamdyǵy keı jerlerde 15-20 m/s bolady dep kútiledi.
27 maýsym kúni keshke, 28 maýsym táýlik boıy Túrkistan oblysynyń keı jerlerinde naızaǵaı oınap, daýyl soǵady. Ońtústik-batystan soltústik-batys baǵytyna aýysatyn jeldiń kúshi 15-20 m/s deıin jetedi.
28 maýsym kúni Shymkent qalasynda tańerteń jáne kúndiz ońtústik-batystan soltústik-batys baǵytyna aýysatyn jeldiń kúshi 15-20 m/s dep kútiledi.
28 maýsym kúni Túrkistan qalasynda tańerteń jáne kúndiz ońtústik-batystan soltústik-batys baǵytyna aýysatyn jeldiń kúshi 15-20 m/s jetedi.
28 maýsymda Shyǵys Qazaqstan oblysynyń keı jerlerinde naızaǵaı jarqyldap, daýyl kútiledi. Kúndiz keı jerlerde burshaq jaýady. Soltústik-batystan coqqan jel soltústik-shyǵys baǵytyna aýysyp keı jerlerde 15-20 m/s jetedi.
28 maýsym kúni Qostanaı oblysynyń keı jerlerinde naızaǵaı jarqyldap, shyǵystan jel soǵady. Kúndiz keı jerlerde burshaq jaýady dep kútiledi.
