Elimizdiń birqatar óńirinde asa qaýipti qylmyskerler ustaldy- ІІM
ASTANA. QazAqparat - Elimizdiń birqatar óńirinde asa qaýipti qylmyskerler ustaldy. Bul jaıynda QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat tilshisi.
«Máselen, Almaty qalalyq ІІD krımınaldyq polıtsııa qyzmetkerleri Máskeý oblysy aýmaǵynda adam óltirgeni úshin halyqaralyq izdeýde bolǵan Reseı Federatsııasynyń azamatyn ustady», - dedi ol.
Sonymen qatar, onyń dereginshe Almaty qalalyq ІІD krımınaldyq polıtsııa qyzmetkerleri 17 mamyrda jábirlenýshiniń páterine qaraqshylyq shabýyl jasap, iri kólemde aqsha qarajaty men altyn buıymdardy alyp ketken Almaty oblysynyń turǵynyn qolǵa túsirdi. Urlanǵan zattardyń bir bóligi tárkilendi.
«Atyraý oblysynda krımınaldyq polıtsııa qyzmetkerleri osy jyldyń aqpan aıynda janar-jaǵarmaı quıý stansasyna qaraqshylyq shabýyl jasady degen kúdikpen 2 adamdy ustady», - dedi Almas Sadýbaev.
