Elimizdiń birqatar oblysynda aptap ystyqqa baılanysty eskertý jarııalandy
NUR-SULTAN. QazAqparat - «Qazgıdromet» RMK aptap ystyqqa baılanysty birqatar oblysta eskertý jarııalady, dep habarlaıdy QazAqparat.
13 shildede Shyǵys Qazaqstan oblysynyń keı jerlerinde 30-35° ystyq bolady. Sondaı-aq, naızaǵaı oınap, burshaq jaýady. Soltústik, soltústik-shyǵystan soǵatyn jeldiń kúshi kúndiz keı jerlerde 15-20 m/s-ke jetedi.
13 shildede tańerteń jáne kúndiz Qyzylorda oblysynda soltústik-shyǵystan, shyǵystan jel soǵady, onyń jyldamdyǵy keı jerlerde 15-20, ekpini 23 m/s bolady. Kúndiz keı jerlerde shańdy daýyl bolýy yqtımal.
13 shildede Túrkistan oblysynyń keı jerlerinde shyǵystan soǵatyn jeldiń kúshi 15-20 m/s-ke jetedi. 13-15 shilde aralyǵynda kúndiz oblystyń basym bóliginde 40-44 gradýsqa deıin aptap ystyq bolady.
Shymkent qalasynda 13-15 shildede kúndiz 41⁰S qatty ystyq bolýy múmkin.
Túrkistan qalasynda 13-15 shildede kúndiz 41-43⁰S aptap ystyq bolady.
13-14 shildede Soltústik Qazaqstan oblysynyń keı jerlerinde 36 gradýs qatty ystyq bolady.
Eskertýdiń yqtımaldylyǵy 90-95 %.
