Elimizdiń birqatar mınıstrlikteri Ulttyq zańnama talaptaryna moıynsunbaı otandyq sútti satyp alýdyń ornyna reseılik jáne belarýstyq ónimge qumar
ASTANA. 12 qarasha. QazAqparat - Elimizdiń birqatar mınıstrlikteri Ulttyq zańnama talaptaryna moıynsunbaı otandyq súttiń ornyna reseılik jáne belarýstyq ónimdi satyp alady. Tipti ol ónimderdiń baǵasy qazaqstandyq taýarlarǵa qaraǵanda birshama joǵary.
Bul týraly búgin elordada ótken 1-shi qazaqstandyq sút forýmynda QR Aýyl sharýashylyǵy vıtse-mınıstri Músilim Ómirııaev málim etti.
Onyń atap ótýinshe, elimizdiń ishki naryǵyn sút ónimderimen qamtamasyz etýde problema týyndap otyr. Sondyqtan da atalǵan ónimderdi syrtqy naryqqa shyǵarý týraly aıtýdyń ózi erte. «Árıne, biz bul jaıynda da oılastyryp, strategııalyq maqsattar túzýge tıistimiz. Biraq naryqty qorǵaý týraly taktıkalyq mindetterdi alyp tastamaýymyz kerek. Máselen, sizder bizderdi memlekettik satyp alýlar týraly zań bar jáne 44 bapty eshkim alyp tastaǵan joq deısizder. Bul rette biz naryqqa zertteý júrgizdik. Sóıtsek, Qorǵanys, Іshki ister, Bilim jáne ǵylym mınıstrlikteri memlekettik satyp alýlardy júrgizý barysynda bul normalardy aınalyp ótip, Belarýs pen Reseıde óndirilgen sút ónimderin satyp alady eken. Demek, qazaqstandyq óndirýshiler básekege qabiletsiz bolǵany ǵoı, tipti, biz baǵa faktoryna da saraptama jasadyq. Belarýs jáne Reseı ónimderi otandyq óndirýshilerdiń taýarlarynan qymbat eken», - dedi ol.
Sonymen qatar vıtse-mınıstrdiń sózine qaraǵanda, elimizde sút óndirý kólemi sońǵy 20 jyldyń ishinde 2 esege deıin tómendegen. ıAǵnı, 20 jyl buryn saýylǵan súttiń 65 paıyzy óńdelip kelse, qazirgi ýaqytta bul kórsetkish ne bári 30 paıyzdy ǵana qurap otyr. Al ishki naryqty otandyq óndirýshilerdiń taýarlary 64 paıyzǵa ǵana qamtı alady. Demek, qalǵan 36 paıyz ımport esebinen jabylýda.
«Sondyqtan da biz syndarly, ashyq suhbat júrgizip, barlyq problemalardy kóterýimiz, ishki naryqty aldamshy ónimderden qorǵaýdyń birlesken josparyn ázirleýimiz qajet», - dedi M.Ómirııaev.
