Elimizdiń birqatar mańyzdy salalarynda áli de joǵary monopolııalar saqtalyp otyr

Búgin Parlament Májilisinde Básekelestikti qorǵaý agenttigi qyzmetiniń negizgi baǵyttary taqyrybynda ótken Úkimet saǵatynda Ekonomıkalyq damý jáne óńirlik damý komıtetiniń tóraǵasy Seıitsultan Áıimbetov osylaı  málim etti.  

«Tabıǵı monopolııa sýbektileriniń memlekettik aktsııalarynyń 50 jáne odan da kóp paıyzy bar memlekettik kásiporyndar men uıymdardyń, sondaı-aq monopolııanyń joǵary dárejesi bar sýbektilerdiń retteletin qyzmetteriniń tizbesin qysqartý jónindegi pármendi sharalardy kúsheıtý qajet. Máselen, 2006 jylǵy naýryzdaǵy Úkimet qaýlysyna sáıkes 12 saladan turatyn tabıǵı monopolııalar sýbektileriniń retteletin qyzmetteriniń tizbesi bekitilgen. Alaıda, osy tizbe jańa eki salamen tolyqtyryldy. Degenmen, strategııalyq jospar men básekelestikti damytý baǵdarlamasynda agenttik aldyna mundaı tizbelerdi jyl saıyn qysqartý týraly naqty mindet qoıylǵan bolatyn», - deıdi S. Áıimbetov.

Bul rette depýtat temirjol kóligi, otyn energetıka kesheni, telekommýnıkatsııa,  elektr energetıkasy, ásirese áýe tasymaly salalarynda áli de bolsa joǵary monopolııanyń saqtalyp otyrǵanyn atap ótti. «Búgingi tańda atalǵan salalardy demonopolııalaý boıynsha naqty is-sharalar qabyldanbaǵan. Osy salalardaǵy sharýashylyq júrgizýshi sýbektiler taýarlardy, jumystardy, qyzmetterdi berýshiler úshin qısynsyz talaptar qoıýdy jalǵastyryp keledi, básekelestikti shektep, taýarlar men qyzmetterdiń túpkilikti qunyn arttyrýda», - deıdi depýtat.