Elimizdiń birqatar ǵalymdary nagradalarmen marapattaldy

STANA. Mamyrdyń 28-i. QazAqparat /Marlan Jıembaı/ - Elimizdiń birqatar kórnekti ǵalymdary Qazaqstannyń ekonomıka salasynyń damýy men ǵylymı áleýmetine qosqan úlesteri úshin Qazaq ulttyq jaratylystaný ǵylymdary akademııasynyń nagradalarymen marapattaldy. Nagradalar búgin elorda ákimdiginde ótip jatqan 1-shi Astanalyq ınnovatsııalyq forým barysynda tabys etildi.

Sonymen «Qazaqstan Respýblıkasynyń Tuńǵysh prezıdenti atyndaǵy altyn medal» «Fıtohımııa» halyqaralyq ǵylymı-óndiristik holdıngi» AQ-nyń prezıdenti Serǵazy Ádekenovke, «Ál-Farabı atyndaǵy altyn medal» QazUJǴA ShQO fılıalynyń tóraǵasy, D.Serikbaev atyndaǵy Shyǵys Qazaqstan tehnıkalyq ýnıversıtetiniń rektory Qalymqaıyr Mutanovqa, «Ál-Farabı atyndaǵy kúmis medal» QazUJǴA Aqtóbe fılıalynyń tóraǵasy, Q.Jubanov atyndaǵy Aqtóbe memlekettik ýnıversıtetiniń rektory Kenjeǵalı Kenjebaevqa tabys etildi.

QR Prezıdenti Nursultan Nazarbaevtyń bastamasymen ótkizilip otyrǵan 1-shi Astanalyq ınnovatsııalyq forýmnyń maqsaty elorda ekonomıkasyna ınnovatsııalyq tehnologııalardy engizýde ınnovatsııalyq qyzmetterdi jandandyryp, suhbat alańyn qurý bolyp tabylady. Sharanyń negizgi mindetteri - elordanyń ınnovatsııalyq qyzmetin damytý úshin ǵylym, bilim, damý ınstıtýttary men mekemelerdi biriktirýdi uıymdastyrý, qala ekonomıkasyna ınnovatsııalyq tehnologııalardy engizýge sheshimder qabyldaý jáne ınnovatsııalyq jobalardy birlese júzege asyrý.