Elimizdiń birqatar aımaqtarynda sý tasqyny qaýpi joǵary - Tótenshe jaǵdaılar mınıstri
ASTANA. 24 qańtar. QazAqparat - Qazaqstannyń birqatar aımaqtarynda sý tasqyny qaýpi joǵary. Búgin Parlament Májilisinde «Qazaqstan Respýblıkasynyń keıbir zańnamalyq aktilerine azamattyq qorǵaý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda Tótenshe jaǵdaılar mınıstri Vladımır Bojko osylaı málim etti.
Atap aıtqanda, mınıstr Almaty, Ońtústik Qazaqstan, Shyǵys Qazaqstan, Qaraǵandy oblystarynda aldaǵy kóktemde tasqyn bolý qaýpiniń joǵary ekenin atap ótti. Onyń sózine qaraǵanda, buǵan eń aldymen bıylǵy qardyń kóp jaýǵany sebep bolýy yqtımal.
«Degenmen, biz barlyq jerde daıyndyq júrgizýdemiz. Qaýiptilik joǵary aımaqtar anyqtalýda, buǵan qosa tasqynǵa qarsy Kóksaraı sýrettegishi bar. Taýlardaǵy qalyń qardyń erýin eskersek, bizge Qyzylordany qaýipten saqtaý úshin sýǵa tosqaýyl jaǵyn barynsha qarastyrýymyz kerek», - deıdi mınıstr.
Jalpy vedomstvo basshysynyń aıtýynsha, Qazaqstanda tótenshe jaǵdaı saldaryn joıý boıynsha byltyr Batys Qazaqstan oblysyna 18 mıllıard teńge, Almaty oblysyna 10 mıllıard teńgege jýyq qarjy jumsalǵan. Al qazirgi tańda Jambyl oblysy boıynsha shamamen 2,5 mıllıard teńge jáne Ońtústik Qazaqstan oblysy boıynsha 1 mıllıard shamasynda qarjy jumsalmaq», - deıdi mınıstr.
