Elimizdiń birqatar aımaqtarynda áskerı jıyndar ótýde
ASTANA. 5 tamyz. QazAqparat - 1-shi tamyzdan bastap, Spassk, Taraz, Semeı jáne Aqtaý qalalarynyń oqý ortalyqtarynyń bazasynda utqyr kúshter rezerviniń besinshi kezeńi bastaldy.
Qazaqstan Respýblıkasy Qarýly Kúshteriniń Áskerı - teńiz kúshteriniń oqý ortalyǵynyń Aqtaý qalasyndaǵy bazasynda mundaı jıyn alǵash ret uıymdastyrylyp otyr jáne oǵan buryn áskerı boryshyn ótemegen jastar da shaqyrylýda, dep habarlady Aqtaý qalasyndaǵy 47761 áskerı bóliminen. Tamyz aıynda Mańǵystaý oblysynan shaqyrylǵan 50 adam áskerı daıyndyqtan ótedi. Jıyn aıaqtalysymen osy oqý ortalyǵynyń bazasynda 150 áskerı qyzmetshi daıyndalady. Aqtaýda bir aı boıy ótetin jıynda áskerı daıyndyqtan ótetin áskerı azamattar atqysh, pýlemetshi, granata atqysh sııaqty mamandyqtardy ıgeretin bolady. 6-shy tamyz kúni Taraz ben Spassk qalasyndaǵy Qazaqstan áskeriniń bolashaq rezerviniń ókilderi týystary men joldastarynyń aldynda saltanatty túrde Ant qabyldaıdy. Saltanatty rásim budan soń Semeı men Aqtaý qalalarynda ótedi.
Esterińizge sala keteıik, aldaǵy jyldan bastap, áskerı jıyndarǵa shaqyrylatyn áskerı qyzmetshiler sany kezeń-kezeńimen arttyrylatyn bolady.
