Elimizdiń beıbitshiligi men tynyshtyǵyn joǵary baǵalaımyn - Gúljanat Erǵazına
AQTÓBE. QazAqparat - «Aýyl sharýashylyǵyn qarjylaı qoldaý qory» AQ fılıalynyń dırektory Gúljanat Erǵazına eń basty artyqshylyǵymyz - eldegi turaqtylyq dep sanaıdy, dep habarlaıdy QazAqparat tilshisi.
«Árbir qazaqstandyq sekildi men de turaqtylyqty, erteńgi kúnge degen senimdi, beıbitshilik pen elimizdiń tynyshtyǵyn joǵary baǵalaımyn. Bul - elimizdiń artyqshylyǵy. Qazaqstandy álemdik arenada tanystyrýdyń qajeti joq. Bizdi biledi, qurmetteıdi. Sondyqtan burynǵy joldy jalǵastyryp, sol baǵytta damýdy betke alǵan durys. Búgingi ulyqtaý rásimine Almaty qalasynda bilim alyp júrgen ulym qatysty. Ol Alataý aýdandyq «Jas Otan» jastar qanatynyń tóraǵasy bolyp jumys isteıdi. Prezıdent Qasym-Jomart Toqaev 10 mańyzdy tapsyrma júktedi. Sonyń bir bóligi jas býynǵa baǵyttalǵan», - dedi Gúljanat Erǵazına.
Oblystyq máslıhat depýtatynyń aıtýynsha, jastardyń áleýmettik jaǵdaıyn kóterý úshin qala jastaryna bıyl 150 páter berý jobasy qolǵa alyndy.
«Dıplommen aýylǵa» baǵdarlamasy aıasynda oblys jastaryna bıyl bıýdjetten 1 mıllıard teńgege jýyq qarjy bólinip otyr. Suranys joǵary, aýylǵa qaıta oralǵan jastar kóp. Al «Eńbek» baǵdarlamasy arqyly jastar tájirıbe jınaýǵa baǵyttaldy. Jumyspen qamtý baǵdarlamasy arqyly 6 aı qalaǵan mekemesinde jumys istep, 60 myń teńge jalaqy ala alady. Múmkindigin utymdy paıdalanǵan jastar turaqty qyzmetke ornalasyp jatyr. Jastarǵa arnalǵan granttar da qarastyrylǵan. Qaıtarymsyz qarjy berilip jatyr, osy jumys jalǵasady. ıAǵnı, Elbasy bastaǵan istiń sabaqtastyǵy elimizdi damýǵa jeteleıdi», - dedi ol.
