Elimizdiń batysynda ótkinshi jańbyr men burshaq jaýýy múmkin - Qazgıdromet
Joǵary qysymdy óristiń áserinen respýblıkamyzdyń basym bóliginde jaýyn-shashynsyz aýa raıy saqtalady. Qazaqstannyń batysy, soltústik óńirleri tsıklon men atmosferalyq frontaldy bólimderdiń yqpalynda bolǵandyqtan, naızaǵaı oınap, ótkinshi jańbyr jaýyp, elimizdiń batysynda burshaq bolýy yqtımal. Respýblıka boıynsha elimizdiń basym bóliginde jeldiń kúsheıýi saqtalady.
«Kúndiz Ulytaý, Qyzylorda, Jambyl, Almaty, Túrkistan oblystarynyń basym bóliginde, Aqtóbe, Atyraý oblystarynda qatty ystyq saqtalady.
Túrkistan, Jambyl, Qyzylorda, Soltústik Qazaqstan, Aqmola, Aqtóbe, Mańǵystaý, Shyǵys Qazaqstan, Abaı, Jetisý oblystarynda, Almaty oblysynyń soltústiginde, ortalyǵynda, Pavlodar oblysynyń soltústiginde, batysynda, Batys Qazaqstan oblysynyń ońtústiginde, shyǵysynda, Atyraý oblysynyń soltústiginde, shyǵysynda, ońtústiginde, Ulytaý, Qaraǵandy oblystarynyń ońtústiginde, ortalyǵynda, Qostanaı oblysynyń ońtústik jartysynda tótenshe órt qaýpi bar», - dep jazdy sınoptıkter.
