Elimizdiń batysynda 38 gradýs ystyq bolady

NUR-SULTAN. QazAqparat – Soltústik antıtsıklonnyń silemi respýblıkanyń batys jartysyna áser etedi, osylaısha aldaǵy táýlikte munda negizinen qurǵaq, ári shýaqty aýa raıy kútiledi, dep habarlaıdy QazAqparat «Qazgıdromet» RMK-ǵa silteme jasap.

9-11 tamyzda eldiń soltústik, ortalyq, shyǵys, ońtústik bóligine ońtústik tsıklon qýystary men atmosferalyq fronttar áser etedi. Bul óz kezeginde jaýyn-shashynnyń túsýine yqpal etedi. Osylaısha eldiń soltústiginde, shyǵysynda, ortalyǵynda qatty jańbyr jaýýy yqtımal. Kún kúrkireıdi, burshaq jaýyp, qatty jel bolýy múmkin.

Aýa temperatýrasynyń negizgi aıasy: kúndiz batysta +30 +38°S, soltústik-batysta +27 +35°S, soltústikte +18 +25°S, ortalyqta +17 +28°S, shyǵysta +18 +30°S, ońtústikte, ońtústik-shyǵysta +23 +33°S sheginde, taýly aýdandarda 13 +20°S.