Elimizdiń batysy men shyǵysynda jaýyn-shashyn, tuman, kóktaıǵaq, burqasyn kútilýde - 27 naýryzǵa arnalǵan aýa raıy boljamy
ASTANA. 26 naýryz. QazAqparat - Qazaqstannyń batysy men shyǵysynda atmosferalyq fronttardyń ótýimen 27 naýryz kúni jaýyn-shashynnyń túsýi, tuman, kóktaıǵaq, burqasyndy jeldiń kúsheıýi yqtımal, qalǵan aýmaqta jaýyn-shashyn bolmaıdy,
dep habarlaıdy Qazgıdrometke silteme jasaǵan TJM-niń baspasóz qyzmeti.
Atyraý, Soltústik Qazaqstan, Qaraǵandy, Jambyl oblystarynda keıbir jerlerde tuman túsip, jel jyldamdyǵy 15-22 m/s-qa jetedi. Aqmola oblysynyń keıbir jerlerinde tuman túsýi yqtımal.
Batys Qazaqstan, Aqtóbe, Shyǵys Qazaqstan oblystarynyń keıbir jerlerinde kóktaıǵaq bolyp, 15-22 m/s jyldamdyqpen jel soqýy, burqasyn bolýy múmkin.
Qostanaı oblysynda kúndiz sekýndyna 17-22 metr sekýnd jyldamdyqpen burqasyndy jel kúsheıedi.
Mańǵystaý oblysynda - keıbir jerlerde tuman, kóktaıǵaq, kúndiz 15-20 m/s jyldamdyqpen jel soǵady.
Qyzylorda oblysynda keıbir jerlerde jeldiń 15-20 m/s jyldamdyqpen soǵýy kútilýde.
Jaqyn táýlikterde Syrdarııa ózeninde, Almaty oblysynyń ózenderinde, Shyǵys Qazaqstan oblysynyń jekelegen shaǵyn ózenderinde muz qursaýynyń bosaýy men erýi kútilip otyr. Respýblıkanyń ońtústik, ońtústik-shyǵys jáne shyǵysyndaǵy ózenderde sý deńgeıleriniń aýytqýlary baıqalady. Oraldyń saǵasy men ShQO-nyń jekelegen ózenderinde kóktemgi úrdister jalǵasyp jatyr.
