Elimizdiń batys óńirlerinde júrgizýshilerge jolǵa shyqpaýǵa keńes berildi
ASTANA. QazAqparat - Elimizdiń batys óńirlerinde kóktaıǵaqqa baılanysty kólik júrgizýshilerine jolǵa shyǵýdan bas tartýǵa keńes berildi, dep habarlaıdy QazAqparat. Bul týraly «QazaqAvtoJol» JShS eskertý jarııalady.
«Qolaısyz aýa-raıyna baılanysty, júrgizýshilerden jyldamdyqty asyrmaýdy, kólikter arasynda qashyqtyqty saqtaýdy, oqys manevr jasaýdan aýlaq bolýyn suraımyz.
Azamattardyń qaýipsizdigin qamtamasyz etý úshin osyndaı jaǵdaılarda jol ýchaskelerin jabýǵa májbúrmiz, al jolǵa shyǵyp ketken kólikter qıyn jaǵdaıǵa tap bolýy yqtımal. Mundaıda olarǵa Tótenshe jaǵdaılar qyzmeti jolshylar men patrýldik polıtsııa qyzmetkerleri birge kómek kórsetedi», - delingen eskertý habarlamasynda.
Aıta keterligi, «Qazaqavtodor» JShS fılıaldary óz múmkindikteriniń sheginde respýblıkalyq mańyzy bar joldarda tótenshe jaǵdaılardyń aldyn-alý kúni-túni úshin jumys istep jatyr.
«Kóktaıǵaqty joıýǵa, sondaı-aq qyzmet kórsetiletin ýchaskelerde qar arshýǵa táýlik boıy qysqy qyzmet kórsetý júzege asyrylýda. Qum-tuz qospasy sebilip, qardan joldardy tazalaýda.
Jumystar eń aldymen qaýipti aýmaqtarda (bıik, eńis, burylys, qıylys aýmaqtar) júrgiziledi. Barlyq qolda bar jol-tehnıkalyq qyzmet kórsetý kólikteri men jalǵa alynǵan tehnıka da tartyldy», - delingen habarlamada.
Mekeme júrgizýshilerge joǵaryda aıtylǵandardyń negizinde ahýalǵa túsinistikpen qaraýdy, aýa-raıynyń nasharlaýy saldarynan jolǵa shyǵýdy keıinge qaldyrýdy, shyqqan jaǵdaıda múmkindiginshe abaı bolýdy suraıdy.
Joldyń sapasyz tazalanýyna qatysty Batys óńiri júrgizýshilerine - 8 777 797 2940 (táýlik boıy) nómirine qońyraý shalýǵa bolady nemese vıdeo, fotosýretterin WhatsApp arqyly 8 777 797 2826 nómirine jiberý kerek.
Respýblıkalyq mańyzy bar avtomobıl joldaryna qatysty aqparat almasý úshin WhatsApp qosymshasynda «Qazaqavtojol» JShS dıspetcherlik qyzmetiniń +7 771 7444 777 nómiri jumys jasaıdy.
Odan bólek, aqparat úshin qalalyq telefonnan +7 7172 444 777 nómiri boıynsha alýǵa bolady.
Jedel ózekti aqparatty myna silteme boıynsha respýblıka boıynsha qozǵalysty shekteý kartasynan kórýge bolady.
Eske sala ketsekǵ buǵan deıin Batys Qazaqstan oblysynda kóktaıǵaqqa baılanysty joldardyń jabylǵanyn habarlaǵan bolatynbyz.
