Elimizdiń basym óńirinde jańbyr jaýyp, naızaǵaı oınaıdy
NUR-SULTAN. QazAqparat - Atmosferalyq frontaldy bólikterdiń ótýine baılanysty 24 shilde kúni Qazaqstannyń basym bóliginde qubylmaly kún raıy kútiledi, jańbyr jaýyp, naızaǵaı oınaıdy. Soltústik oblystardyń keı jerlerinde qatty jańbyr kútiledi. Respýblıkanyń tek ońtústiginde jaýyn-shashynsyz aýa raıy saqtalady. Elimizdiń keı jerlerinde tuman, daýyl kútiledi, jel kúsheıip, burshaq jaýýy múmkin, dep habarlaıdy QazAqparat.
«Qazgıdromet» RMK málimetinshe, Aqmola, Pavlodar, Shyǵys Qazaqstan, Qaraǵandy oblystarynyń keı jerlerinde daýyl, burshaq kútiledi, jeldiń kúshi 15-20 m/s kúsheıedi. Pavlodar oblysynyń jekelegen aýmaqtarynda, túnde jáne tańerteń Aqmola oblystarynyń keı jerlerinde tuman boljanady.
Soltústik Qazaqstan oblysynyń keı jerlerin tuman basyp, burshaq jaýady.
Mańǵystaý, túnde Almaty, kúndiz Qostanaı oblystarynyń keı jerlerinde jeldiń ekpini 15-20 m/s artady.
Kúndiz Almaty, Jambyl, Qyzylorda, Túrkistan, keı jerlerinde Aqtóbe, Batys Qazaqstan oblystarynda qatty ystyq kútiledi.
Kúndiz Mańǵystaý oblysynyń jekelegen aýmaqtarynda óte qatty ystyq boljanady.
Qyzylorda, Túrkistan, Aqtóbe, Jambyl, Almaty, keı jerlerde Qaraǵandy, Shyǵys Qazaqstan, Qostanaı oblystarynda óte joǵary órt qaýpi saqtalady.
